23’yê Cotmeha 2023’yan ji welatên cuda nivîskar, rewşenbîr, akademîsyen, fîlozof û hiqûqnasan bi daxuyaniyên hemwext pêngava ji Rêber Apo re azadî û ji pirsgirêka Kurd re çareseriya siyasî dan destpêkirin. Di çarçoveya vê pêngavê de li Elmanyayê bi tevlîbûna Kurdan û dostên wan, du meşên mezin hatibûn lidarxistin ku ji gelek welat û bajarên Ewropayê bi deh hezaran kes beşdar bûbûn. Meşa mezin a sêyem, 8’ê Mijdarê wê li navnîşana Deutzer Werft a li bajarê Koln ê Elmanyayê were lidarxistin. Meş wê ji bo azadiya Rêber Apo û çareseriya pirsgirêka Kurd were lidarxistin.

Cîgira Hevseroka KNK’ê Nûrê Alkiş beriya meşê daxuyanî da û bal kişand ser girîngiya azadiya fîzîkî ya Rêber Apo û got, “Mîmarê aştiyê 27 sal in li zindana Îmraliyê girtî ye. Azadiya fîzîkî ya Rêber Apo armanca herî esas a pêvajoyê ye. Bi vê armancê wê li Kolnê meşek were lidarxistin.”

Nûrê Alkiş ev bang kir: “Banga me ji bo ciwanan, jinên ciwan, jinan, demokratan, gelê Kurd, gelên Kurdistanî û gelê Êzidî ye. Em 8’ê Mijdarê dengê xwe bilind bikin, ji bo ku bi hev re azadiya fîzîkî ya Rêber Apo biqîrin, em mil bi mil bimeşin.”