Li Weselê ya girêdayî Parêzgeha Ren Westfalya ya Bakur êrîşa hêzên artêşa Iraqê ya li ser Şengalê hat protestokirin. Îşaret bi wê yekê hat kirin ku êrîşa ser Şengalê ji êrîşên komkujiyê yên dewleta Tirk ne qut e.
Kurdistaniyên li bajarê Wesel ê Elmanyayê bi pêşengiya Sîwana Meclîsa Jinên Êzidî-SMJÊ’yê hatin ba hev, êrîş û gefên hêzên artêşa Iraqê yên li ser Şengalê protesto kirin.
Çalakvanan diyar kir ku êrîşa hêzên artêşa Iraqê û konsepta dagirkirina Başûrê Kurdistanê ya dewleta Tirk û hevkarê wê malbata Barzanî ji hev ne qut in û destnîşan kirin ku ew ê rê nedin konsepta qirkirina Kurdan.
Çalakvanan bang li Kurdistanî û dostên wan kirin ku li dijî vê konsepta qirêj dakevin qadan û banga tevlêbûna çalakiya navendî ya wê 30’ê Nîsanê li Dusseldorfê bê lidarxistin, kirin.
Çalakiya ku tê de îxaneta Barzanî jî hat şermezarkirin bi berzkirina dirûşmeyan bi dawî bû.
