Li bajarê Bellînzona yê kantona Tîcîno ya Swîsreyê, bi pêşengiya TCŞ û TekoJIN’ê ji bo protestokirina êrîşên dewleta Tirk ên li ser Rojava çalakî hat lidarxistin.

Gelek Kurdistanî û dostên wan tevlî çalakiyê bûn ku li stasyona trenê ya Bellînzona hat lidarxistin. Çalakgeran êrîşên dewleta Tirk a faşîst a li ser qadên jiyanê yên li Rojava bi dirûşmeyên Îtalî protesto kirin. Di çalakiyê de bi dehan afîş û pankarrtên bi zimanê Îtalî hatin vekirin û banga hestiyariyê li raya giştî hat kirin.

Çalakgeran daxuyaniya çapemeniyê dan û destnîşan kirin ku heta polîtîkayên qirkirinê yên li ser gelê Kurd bi dawî nebe wê çalakiyên wan bidomin.

 Çalakî bi berzkirina dirûşmeyên “Bijî berxwedana Rojava” û “Bijî Serok Apo” bi dawî bû.