Li Stockholmê bi merasîma ku ji aliyê Enstituya Kurd û Navenda Civaka Kurd a Demokratîk hat lidarxistin re, Mehmet Emîn Bozarslan, Refîq Sebrî û Ehmed Huseynî ku beriya demek kurt jiyana xwe ji dest dan, hatin bibîranîn.
Li paytexta Swêdê Stockholmê, ji bo çilrojiya sê rewşenbîrên Kurd merasîma bîranînê hate lidarxistin. Mersîm bi pêşengiya Enstituya Kurd û bi tevkariyên Navenda Civaka Kurd a Demokratîk hate lidarxistin. Hevserokê Kongra Gelê Remtî Kartal jî tevlî merasîmê bû û axaftinek kir.
Remzî Kartal sersaxiyê ji bo malbatên her sê rewşenbîran xwest. Kartal diyar kir ku ew Mehmet Emîn Bozarslan di salên dibîstana zankoyê de nas kiriye û da zanîn ku wê demê Bozarslan di nava civakê de wekî "Mutfî" dihat naskirin.
Remzî Kartal diyar kir ku Bozarslan ji ber xebat û berhemên xwe hatiye girtin û neçar maye ku derkeve derveyî welat û bilêv kir ku Bozarslan li derveyî welat wekî weqfekî xebitiye û hemû demê xwe daye ziman û wêjeya Kurdî.
Kartal anî ziman ku her sê şexs jî wekî stêrka ronahiyê ne û ew ê her tim bi xizmet û dilsoziya xwe ya bi welatê xwe re bi rêzdarî werin bibîranîn.
Malbatên her sê şexsiyetan jî mafê axaftinê girtin û helbestên wan hatin xwendin. Her wiha kesên wekî Omer Şêxmûs û Keya Îzol jî peyamên xwe parve kirin.
