Êrîşên kîmyewî yên dewleta Tirk ên li dijî gerîla, bi lidarxistina çalakiyeke balkêş li Osloya paytexta Norwecê, hat protestokirin.

Çalakgeran, ji ber îstgeha navendî ya trenan a Osloyê, dest bi agahdarkirina bideng kir û danezan li xelkê belav kirin û behsa sûcên şer ên dewleta Tirk ên li Kurdistanê kir.

Çalakgeran, cilên spî li xwe kirin, maske dan ber dev û difinê xwe û heta ber Parlamentoya Norwecê meşiyan.

Li ber parlamentoyê danezan hat xwendin. Çalakgeran diyar kir kur dewleta Tirk a endama NATO’yê bi bikaranîna çekên kîmyewî sûcên li dijî mirovahiyê dike û bi şermezarkirina bêdengiya hikûmeta Norwecê, çalakî bi dawî kir.