Li bajarê Lîmasol ê Qibrisê bi boneya 28‘ê Adarê Hefteya Lehengiyê li Navenda Çanda Kurd a Theofilos bernameya bîranînê hat lidarxistin. Bernameya bîranînê ji aliyê Komîteya Malbatên Şehîdan a Meclîsa Gelê Kurd a Qibrisê ve hat lidarxistin. Di bîranînê de wêneyê Rêberê Gelê Kurd Abdullah Ocalan, Fermandarê Efsanewî Egîd, Mazlûm Dogan û şehîdan, alên PKK, HPG û YPG‘ê hatin daliqandin. Bîranîn bi rêzgirtina ji bo şehîdan dest pê kir.

Berdevkê Komîsyona Malbatên Şehîdan Remzî Pacraz û malbatên şehîdan axaftin kirin. Piştî axaftinan sînevîzyonek der barê Hefteya Lehengiyê de hate temaşekirin.

Bernameya bîranînê bi dirûşmeyên “Şehîd Namirin”, “Bijî Serok Apo” û “Bê Serok jiyan nabe” bi dawî bû.