Komek Kurdên li Lefkoşayê dijîn, li ber PÎG TV’yê hatin ba hev û êrîşên dagirkeriyê protesto kirin.

Çalakvanan di çalakiyê de wêneyên Rêberê Gelê Kurd Abdullah Ocalan û alên PKK’ê hilgirtin û di domdarî dirûşmeyên, “Ji Kurdistanê re azadî”, “TC’ya faşîst”, “Erdoganê dîktator”, “Bimire xiyanet”, “Bijî berxwedana gerîla”, “Bijî PKK” û “Bijî Serok Apo” berz kirin.

Di çalakiyê de danezanek bi îmzeya Meclîsa Gelê Kurd a Qibrisê hat xwendin. Di danezanê de bertek nîşanê êrîşên dewleta Tirk a dagirker ku 17’ê Nîsanê dan destpêkirin û hevkariya PDK’ê hatin dayîn. 

Di danezanê de bêdengiya welatên Ewropayê jî hat şermezarkirin. Di serî de çapemeniya Qibrisê, bang li partiyên siyasî, çepgir û demokratan hat kirin ku dengê xwe derbixin.

Piştî xwendina danezanê, berdevkên dîplomasiyê yên Meclîsa Gelê Kurd bi berpirsiyarên TV’yê re hevdîtin kirin û dosyeyên agahiyên di derbarê êrîşên dagirkeriyê û bikaranîna çekên kîmyewî tê de hebûn pêşkêşê wan kirin.