Li bajarê Kloten ê Kantona Zurihê ê Swîsreyê, ji bo kesên ku di êrîşên Îranê yên li ser Başûrê Kurdistanê de hatin qetilkirin, merasîma bîranînê hate lidarxistin. Çalakî li Komaleta Rojava hate lidarxistin.

Nûnerên Partiya Jiyana Azad a Kurdistanê, Partiya Demokratîk a Kurdistanê ya Îranê, Partiya Azadiya Kurdistanê, Sazman-i Xebat û Komala, her wiha nûnerên Swîsreyê yê avaniyên siyasî yên Kurd û gelek kes tevlî bîranînê bûn. 

Merasîm bi deqîqeyekî rêzgirtinê destpê kir. Piştre beşdaran li ber sirûda "Ey Şehîdan" ku ji aliyê Koma Rojhilat ve tê gotin, kulîlk danîn qada ku wêneyên şehîdan lê heye. 
 
Daxuyaniya li ser navê Tifaqa Hêzên Siyasî yên Rojhilat ji aliyê Îdrîs Mûradî ve hate xwendin. Di daxuyaniyê de êrîşên Îranê yên bi mûşek û balafirên bê mirov ên li ser Başûrê Kurdistanê hatin şermezarkirin û hate diyarkirin ku êrîş aramiya li herêmê hedef digrin. 

Her wiha hate diyarkirin ku Îranê di demê dawî de serweriya xaka Iraqê bi sedan kes binpê kiriye û hate bibîrxistin ku di êrîşê de 21 kes hatine qetilkirin. Di daxuyaniyê de hate destnîşankirin ku hiqûqa navneteweyî tê binpêkirin û rexne li hedefgirtina qadên sivîl û kampên siyasî hate kirin. 

Çalakî bi helbestên ku ji aliyê Amancî Ezîzkendî û Rehmanî Mehmûdî ve hatin xwendin û lubandina ku ji aliyê Koma Rojhilat ve hate gotin, bi dawî bû.