Êrîşên qirkirinê yên dewleta Tirk ên li ser Rojava li bajarê Hambûrg ê Elmanyayê bi çalakiyeke hat protestokirin.

Kurdistaniyên ku li ser banga Meclîsa Civaka Kurd a Demokratîk a Hambûrgê saet 15:00’an li Haûptmannplatzê beşdarî meşa Piştevaniya bi Rojava re bûn, heta Gansenmarktê meşiyan.

Meş ji bo bîranîna Şehîdên Têkoşîna Azadiyê bi deqeyeke rêzgirtinê dest pê kir. Çalakvanan êrîşên dewleta Tirk a dagirker û hevkariya Tirk-Elman şermezar kirin û pankarta “Frîeden fur Rojava und Syrîen, KEIN KRIEG” hilgirtin.

Kurdistanî û dostên wan di meşê de dirûşmeyên “Bijî Serok Apo”, “Bijî PKK”, “Bijî Berxwedana Rojava”, “Bijî Berxwedana Gerila”, “Deutsche Panzer raus aus Kurdistan” “Deutschland fînanzîert Turkeî bombardîert” berz kirin û tevî astengiyên polîsên Elman jî posterên Rêberê Gelê Kurd Abdullah Ocalan hilgirtin.

LUBECK

Li bajarê Lubeckê jî êrîşên qirkirinê yên dewleta Tirk bi pêşengiya Defend Kurdistan û PYD’ê bi çalakiyeke hate protestokirin. Çalakvanên ku li navenda bajêr li hev civiyan, gelek caran dirûşmeyên “Terorîst Tirkiye” û “Bijî berxwedana Rojava” berz kirin.

STÛTTGART

Bi sedan Kurdistanî û dostên wan ên li navenda bajarê Stûttgartê li hev civiyan, êrîşên dewleta Tirk a dagirker şermezar kirin.

Çalakvanên ku bi pankarta “Ji Abdullah Ocalan re azadî, ji pirgirêka Kurd re çareseriya siyasî” meşiyan, gelek caran dirûşmeyên “Faşîst Tirkiye”,  “Bijî Rojava”, “Bijî Berxwedana Rojava” berz kirin.