Li bajarê Draguignan ê Fransayê, di çalakiyekê çêbû de 41’emîn salvegera Pêngava 15’ê Tebaxê ya PKK’ê hate pîrozkirin. Beşdaran şehîdan bibîr anîn û peyama girêdana tekoşîna azadiyê dan.
Li bajarê Draguignan, di çalakiyekê ku ji aliyê Meclîsa Gel a Draguignan ve hate organîzekirin de 41’emîn salvegera Pêngava 15’ê Tebaxê bi coş û kelecan hate pîrozkirin. Bi sedan Kurdên welatparêz beşdarî çalakiyê bûn.
Bername ji bo bîranîna şehîdên têkoşîna azadiya Kurdistanê bi deqeyek rêzgirtinê û bi sirûda neteweyî ya Kurdistanê Ey Reqîb, destpê kir.
Rayedarên ku di çalakiyê de axivîn, bal kişandin ser ji bo gelê Kurd girîngiya dîrokî ya 15’ê Tebaxê. Di axaftinan de hate destnîşankirin ku di riya azadiyê de xwedîderketina mîrateya tekoşîna şehîdan berpirsyariya herî mezin e.
Di çarçoveya bernameyê de, sînevîzyonek ku dîroka PKK’ê û jiyana tekoşîna şehîdan vedibêje hate nîşandan. Di sînevîzyonê de, Fermandar Egît (Mahsum Korkmaz) û Şehîd Nûreddîn Sofî, Koçero Riha û Bahtiyar Gabar hatin bîranîn.
Di beşa çandî ya pîrozbahiyê de Koma Aram, Cevat Mervanî û Serhado derketin ser dikê. Beşdaran bi stranên Kurdî û marşên şoreşgerî re govend gerandin û bi dirûşmeyên “Bijî Serok Apo”, “Bijî 15’ê Tebaxê” û “Jin, Jiyan, Azadî” coşa xwe nîşan dan.
Bername bi govend û dirûşmeyan bi dawî bû.
