Li Derya Manşê trajediyeke nû ya koçberiyê: 3 mirî, 3 winda
Li bakurê Fransayê trajediyeke nû ya koçberiyê rû da ku koçberan hewl didan ji Derya Manşê derbasî Îngilistanê bibin.
Di şeva Sêşem-Çarşemê de di 2 qezayên cuda de 3 koçberan jiyana xwe ji dest dan, 3 jî winda bûn.
Waliyê Pas-de-Calaisê Laurent Touvet ragihand ku du ji kesên jiyana xwe ji dest dan, zarok bûn. Bûyer li peravên Sangatteyê rû da ku li nêzî Calaisê ye.
Li peravên Neufchatel-Hardelotê jî di bûyereke din de 3 koçber winda bûn û kesek ku li ber xeniqînê bû ji aliyê jendermeyan ve hate rizgarkirin. Îsal herî kêm 23 kes dema hewl dan ji Derya Manşê derbas bibin, jiyana xwe ji dest dan.
Li herêma Kent a bajarê Îngilistanê roja Sêşemê cenazeyê jineke koçber li perav hatibû dîtin.
