Li Kantona Bernê ya Swîsreyê, Kurdistanî ji bo protestokirina êrîşên dewleta Iraqê yên li ser Şengalê li ber Sefaretxaneya DYE’yê hatin ba hev. Kurdistaniyaniyên pankartê li ser ‘’Na ji fermana 75‘emîn a Êzidiyan re’’ nivîsandî vekirin, alên KCK’ê û wêneyên Rêberê Gelê Kurd Abdullah Ocalan hilgirtin. Kurdistaniyan li heberî êrîşên dewleta Tirk û Iraqê dirûşm berz kirin û berxwedana gerîla û YBŞ’ê silav kirin. 

Li vir Hevberdevkê Komeleya Çandê ya Kurd a Bernê Munîr Ay, axaftinek kurt kir û got: “Hêzên emperyalîst ketine şerê parkirinê û bi vî şerî dixwazin destkeftiyên Kurdan ji holê rakin.“

Ay, bang li hêzên navneteweyî kir ku zextan li ser hêzên Iraqê û dewleta Tirk bikin û got: “Gelê Kurd wê her dem bi berxwedêrên xwe re be.“

Çalakî bi berzkirina dirûşmeyan bi dawî bû.