Li bajarê Koln ê Elmanyayê, di 8’ê Mijdarê de wê bi dirûşmeya "Ji Rêber Apo re Azadî, ji Pirsgirêka Kurd re Çareseriya Siyasî” meş were lidarxistin. Ji bo meşa mezin li Oldenburg û Aurichê jî, belavok hatin belavkirin û serdana esnafan hatin kirin.
Bi pêşengiya Meclisa Gel a Aurichê û Meclisa Jinan a Şehîd Zîlan, li bajarên Oldenburg û Aurichê ji bo esnafên Kurd û hevalên wan belavok hatin belavkirin û li ser armanca meşê agahdari hate kirin.
Di serdana esnafan de hat gotin ku beşdariya gel ya meşê wê moral û hêzê bide pêvajoya çareseriyê. Hin esnaf gotin ku wê di 8’ê Mijdarê de dikanên xwe bigirin û herin meşa mezin.
Her wiha esnafan diyarkirin ku azadiya Rêber Apo azadiya wan e û piştgirî dan meşê.
Piştî serdana esnafan, serdana malan a endamên meclisan dewam kir.
