Bi boneya 23’yemîn salvegera komploya navneteweyî ya 15’ê Sibata 1999’an a ku bû sedema dîlgirtina Rêberê Gelê Kurd Abdullah Ocalan li Êrîvanê meşek hat lidarxistin. Girseya meşê di saet 13.00’an de li qada Cûmhûriyetê li hev civiyan û heta avahiya Neteweyên Yekbûyî meşiyan. Di meşê de alên Rêberê Gelê Kurd Abdullah Ocalan hatin hilgirtin. Di meşê de dirûşmeyên “Bijî Serok Apo”, “Terorîst Tirkiye“ û “Terorîst Erdogan“ hatin berzkirin.

Meşvanan li ber avahiya NY’ê daxuyanî dan. Hevseroka Şêwra Gelê Kurd û Wekîlê Kurd Kinyas Hasanov, li ser navê Yekîtiya Jinên Azad Seyrana Celad û Hevserokê Komîteya Kurdistanê Sîlo Dîrboyan axaftin kirin.

Di axaftinan de hate diyarkirin ku 15’ê Sibatê komploya navdewletiyan e û hêzên ku tevlî vê komployê bûne hatin şermezarkirin. Nûnerên Kurd bang li hêzên navneteweyî kirin ku piştevaniyê nedin êrîşên faşîst û qirker ên dewleta Tirk.

Piştî axaftinan, daxuyaniya çapemeniyê hat dayîn. Di çalakiyê de têkildarî Komploya 15’ê Sibatê û tercrîda girankirî ya li ser Rêberê Gelê Kurd Abdullah Ocalan nameyek ji nûnertiya Neteweyên Yekbûyî re hate dayîn.