Beriya meşê, serdana esnaf û malbatan hate kirin û li ser wateya polîtîk a çalakiyê agahdarkirin hatin kirin.

Hate diyarkirin ku gel di serdanan de nêzîkatiyeke hestiyar raber kiriye û ji bo meşê daxwaza wan a tevlîbûnê zêde bûye.

Di hevdîtinan de hate destnîşankirin ku meşa ku wê li Kolnê bê lidarxistin, ji bo azadiya fîzîkî ya Rêber Apo û statuya Kurdistanê xwedî peyameke polîtîk e.

Nûnerên Meclîsa Lahr, Komuna Jinan û tevgera ciwanan, bang li tevahî gel kirin ku bi awayekî xurt tevlî meşê bibin û diyarkirin ku meş îfadeya ruhê azadî û berxwedanê ye.

Hate diyarkirin ku li Freiburg û derdora wê jî amadekariyên meşê temam bûne, ji bo tevlîbûna meşa Kolnê otobus û wesayît hatine amadekirin.

Meclîsa Lahr, Komuna Jinan û tevgera ciwanan, ev peyam dan, “Em ê di 8’ê Mijdarê de bi moral û hêviyeke mezin li Kolnê bin.”