Li Parîsê ya ku paytexta Fransayê ye çalakgerên Kurd wekî her hefte îro jî li pêşiya Konsolosxaneya DYE hatin ba hev û ji ber biryara wê ya li ser pêşengên Kurdan DYE protesto kirin.

Gelê Kurd li pêşiya Konsolosxaneya DYE hatin ba hev û pankartên ‘Her sê rêveberên Kurd ji bo nirxên mirovî têdikoşin’ û ‘Çavê xwe vekin! Terorîstên mezin ev in’ vekirin. Çalakgeran posterê Rêberê Gelê Kurd Abdullah Ocalan û dowîzên bi Fransî hildan.

Çalakgeran belavoka bi Fransî xwendin û diyar kirin ji bo ku biryara dermirovahiyê ya li ser Mûrat Karayilan, Cemîl Bayik û Dûran Kalkan were sekinandin, ew ê her pêncşem li pêşiya Konsolosxaneya DYE çalakiyê bikin.