KURD-AKAD îsal “Xelata Zanistê” da Seroka Komîsyona Sivîl a Tirkiyeyê ya Yekîtiya Ewropayê (YE) Prof. Karîane Westrheîm, Parlamenterê berê yê HDP’ê Dr. Idrîs Balûken û Prof. Dr. Jan Îlhan Kizilhan da.
Tora Akademîsyenên Kurd (KURD-AKAD) her sal bi merasîmekê ‘Xelata Piştgiriyê’ dide. Îsal bi merasîma ku li bajarê Koln ê Elmanyayê hatî lidarxistin, Parlamenterê Berê yê HDP’ê Dr. Idrîs Balûken Xelata Piştgiriyê wergirt, Seroka Komîsyona Sivîl a Tirkiyeyê ya YE’yê Prof. Karîane Westrheîm û Prof. Dr. Jan Îlhan Kizilhan jî hêjayî ‘Xelata Taybet’ hatin dîtin.
Hevseroka KURD-AKAD’ê Dr. Dersim Dagdevîren, parlamenterên berê yên HDP’ê yên di sirgûnê de Lezgîn Botan, Nûrsel Aydogan, Sîbel Yîgîtalp, Hevseroka KCDK-E’yê Zubeyde Zumrut, Parlamentera Partiya Keskan a Elmanyayê Bêrîvan Aymaz û nûnerên saziyê beşdarî merasîmê bûn.
Merasîm bi axaftina Hevseroka KURD-AKAD’ê Dersim Dagdevîren bi destpê kir.
Ji ber ku Dr. Idrîs Balûken nekarî beşdarî merasîmê bibe, li ser navê wî parlamenterên berê yên HDP’ê ‘Xelata Zanistê’ wergirtin. Lezgîn Botan peyama spasiyê ya Balûken ragihand û diyar kir ku Balûken nekarî beşdarî merasîmê bibe. Botan peyama berxwedanê da.
Piştre Prof. Karîane Westrheîm xelat wergirt û diyar kir ku ew vê xelatê li ser navê yên ku ji bo azadiya Kurdan têdikoşin, werdigire.
Prof. Dr. Jan Îlhan Kizilhan jî ji aliyê Parlamentera Partiya Keskan a Elmanyayê Bêrîvan Aymaz ve xelata xwe wergirt.
Merasîma ‘Xelata Piştgiriyê’ piştî strana hunermend Mehmet Akbaş bi dawî bû.
