Di 12’ê Tebaxa 2025’an de Dagdeha Herêmî ya Larnakayê, îlan kir ku biryara cezayê hepsê ya çar sal sê mehan ya di 2’yê Îlona 2024’an de ji aliyê Dadgeha Eyaletê ya Bilind a Hamburgê ve hatî birîn, li Qibrisê were sepandin.

Li gorî ekîba Kenan Ayaz ya parastinê, pêvajoya sewqkirina ji Elmanyayê ji bo Qibrisê hê jî dirêj dibe û dîrokeke teqez nehatiye diyarkirin.

Kenan Ayaz ê ku ev du sal in di bin şert û mercên giran de li Elmayayê tê rehîngirtin, li bendê ye ku vegere Qibrisê.

Ekîba parastinê diyar kir ku biryara mehkûmkirinê li gorî hiqûqê şaş e û li dijî Peymana Mafê Mirovan a Ewropayê ye.

Piştî sewqkirina Ayaz cezayê mayî wê li gorî yasayên Qibrisê were diyarkirin. Aktîvîst girêdayî tu çalakiyên tundiyê nehatiye mehkûmkirin lê belê li Elmanyayê di bin şert û mercên giran ên antîterorê de hate rehîngirtin.

Ekîba prastinê diyar kir ku piştî Dadgeha Elmanyayê serlêdana di 31’ê Tîrmeha 2025’an de hatiye kirin, bêyî nîşandana egerekê red kir, ew ê serî li Dadgeha Mafên Mirovan a Ewropayê (AÎHM) bidin. Parêzerên Ayaz armanc dikin ku biryara Dadgeha Hamburgê li dijî mafê civîn û azadiya xwepêşandanê ye.

Di daxuyaniyê de ev yek hatin gotin: ‘’Dozgeriyên cuda ên Elman û dadgehên herêmî yên bilind gelek caran îspat kirine ku ew aktîvîstên Kurd bi biryardarî û awayekî dijwar dişopînin. Ji ber vê yekê wê Kenan Ayaz a niha biryara mehkûmkirinê ragihîne Dadgeha Mafên Mirovan a Ewropayê. Wê nîşan bide ku Dadgeha Hamburgê azadiya civîn û xwepêşandanê binpê kiriye.’’