FEDA li Swîsreyê xwe ji bo kongreya xwe ya damezrîner amade dike
Federasyona Demokratîk a Elewî (FEDA) a Swîsreyê piştî xebatên xwe yên rêxistinbûnê, vê hefteyê xwe amade dike ku damezrandina xwe bi fermî îlan bike.
Kongreya damezrîner wê 26’ê Cotmehê roja Yekşemê li Salona Dawetê ya Esen a li bajarê Bulach a girêdayî kantona Zurîh were lidarxistin.
Şîara kongreyê weke “Em cewherê aştiyê û mîsogeriya civaka demokratîk in” hate ragihandin.
Seroka Koma DEM Partiyê Gulistan Kiliç Koçyîgît jî wê beşdarî merasîmê bibe û têkildarî pêvajoya aştî û civaka demokratîk a li Tirkiyeyê nirxandinê bike.
Hevserokên FEDA’yê Huriye Kabayel û Şahîn Polat beriya kongreyê daxuyanî dan û bang li hemû Elewiyên li Swîsreyê kirin ku beşdarî merasîmê bibin û gotin, “Em ji herêmî xwe rêxistin dikin û çêkereke xurt ava dikin. Em ê bi hemû bindestan re di nava piştevaniyê de bin.”
Berdevka FEDA’yê ya Swîsreyê Songul Aslan jî bal kişand ser rola jinan a di kongreyê de û got, “Em rêxistinbûna Elewiyan a di bin yek sêwanê de armanc dikin. Bi yekîtiyê em dikarin pirsgirêkên xwe yên civakî çareser bikin.”
Rayedarên FEDA’yê destnîşan dikin ku kongre “wê di têkoşîna aştî, wekhevî û civaka demokratîk de bibe destpêkek nû”.
Tê payîn ku civaka Elewî û Kurd a li Swîsreyê bi rengekî zêde beşdarî kongreya damezrîner bibin.
