Elmanya û Hollandayê ragihandin ku ji bo koordînekirina karên leşkerî yên li baskê rojhilat ê NATO'yê û hêza li dijî gefên ji ber Rûsyayê zêde bike, biryargeheke leşkerî ya hevpar ava dikin.
Di daxuyaniya Wezareta Parastinê ya Elmanyayê de hate ragihandin ku navenda fermandariyê ya nû wê di bin sîwana Baskê Artêşê yê Hevpar ê Elman-Hollanda (1GNC) de vê avakirin û ji vê havînê û pê ve di rêveberiya hêzên NATO'yê yên li herêma Estonya û Letonyayê wezîfeyê bike.
1GNC ku navenda wê li bajarê Munster ê Elmanyayê ye û li gorî pêwîstiyê di operasyonên NATO'yê de tê wezîfedarkirin, xwedî wê kapasîteyê ye ku fermandariyê ji 50 hezar leşkerî re bike. Plankirina tetbîqatên leşkerî, amadekariya şerê gengaz û veguhestin û rêvebirina yekîneyan di dema şer de ji wezîfeyên biryargehê ne.
Di halê hazir de hêzên NATO'yê yên li herêma Baltikê ji baregeha li bajarê Szczecin ê Polonyayê ve têne birêvebirin. Bi navenda fermandariyê ya nû re tê xwestin, kapasîteya operasyonî ya NATO'yê ya li herêmê zêde bike û bersivê bide krîzên gengaz.
