Li bajarê Lîege yê Belçîkayê şehîdên Zapê bi merasîmekê hatin bibîranîn. Qada bîranînê bi wêneyên şehîdên berî mehekê şehîd bibûn, Rêberê Gelê Kurd Abdullah Ocalan û alên PKK’ê hatin xemilandin. Gelek Kurdistanî, malbata gerîlayê HPG’ê Mahîr Erol û malbatên şehîdan tevlî bîranînê bûn.

Bîranîn bi rêzgirtina ji bo giyanê şehîdan dest pê kir. Di bîranînê de li ser navê KOMAV’ê Cahîde axivî. Cahîde anî ziman ku ew ê timî li pey şopa şehîdan têkoşînê geş bikin.

Piştre dayika gerîlayê HPG’ê Mahîr Erkol, Yasemîn Erkol axivî û got: “Mahîr di zarokatiya xwe de kesek dilnizim û di nava civakê de dihat heskirin. Heta roja berxwedana Nisêbênî jî ji bo min weke hevalek bû. Mahîr di berxwedana Nisêbînê de xwedî rolek girîng bû û pêşeng bû. Li hemberî dagirkeriya Tirk tu carê tawîz nedida. Mahîr heta roja şehadetê jî weke lehengekê jiya û bû mertalê gelê xwe.”

Dayik Erkol bal kişand bi ser xiyaneta PDK-Barzanî û got: “Dev ji xiyaneta gelê Kurd re berdin û nebin pêlîstokên dewleta Tirk a dagirker. Hûnê li hemberî dîrokê bêne darizandin.”

Li ser navê Saziya Malbatên Şehîdan a Belçîkayê jî axaftin hatin kirin. Piştî axaftinan sînevîziyona li ser jiyana Şehîd Mahîr Erkol hatibû amadekirin hat pêşandan.

Bîranîn bi dirûşmeyên “Şehîd namirin” û “Bijî Serok Apo” bi dawî bû.