Li bajarê Oldenbûrg ê Elmanyayê bi merasîmekê, di şexsê Şehîdên Tunelên Berxwedanê û fedaiyên Mêrsînê Rûken û Sara de, Şehîdên Meha Cotmehê hatin bîranîn.

Saziya Malbatên Şehîdan (KOMAW) û Meclîsa Jinan a Şehîd Zelal, li Navenda Civaka Kurd a Demokratîk bîranîn li dar xist û gelek Kurdistanî tevlî bîranînê bûn.

Merasîma bîranînê bi deqeyek rêzgirtinê destpê kir. Li ser navê KOMAW û NCKD’ê axaftin hatin kirin. Hat diyarkirin ku gerîlayên bi çekên kîmyewî yên dewleta Tirk hatin qetilkirin û Şehîdên Meha Cotmehê, li dijî xiyanet û teslîmiyetê heta guleyên xwe yên dawîn şer kirin û şehîd bûn. Soza bilindkirina têkoşîna wan hat dayîn.

Merasîm piştî temaşekirina sînevîzyonê, bi dawî bû.