Ji bo bîranîna gerîlayê HPG’ê Kendal Cûdî ê di 28’ê Mijdarê de şehîd bûbû, li Navenda Civaka Demokratîk a Viyanayê çalakiya bîranînê hat lidarxistin. Çalakî bi deqeyeke rêzgirtinê ji bo bîranîna şehîdên Têkoşîna Azadiya Kurdistanê destpê kir.

Hevserokê Civak Azad Ahmet Zîrek di bîranînê de axivî û wiha got: “Bîranîna şehîdan girîng e. Lê ya herî girîng ew e ku xwedî li mîrateya ku ji me re hiştine derkevin û li gorî vê tevbigerin.”

Endama Meclîsa Jinê ya Avesta Agirî Rojava jî anî ziman ku têkoşîna şehîdan hiştiye ku gelê Kurd bên roja îro û diyar kir ku divê gelên li Ewropayê dijîn zêdetir xwedî li têkoşînê derkevin.

Malbata Şehîd Kendal Cûdî jî diyar kir ku şehîdên wan zarokê tevahiya Kurdistanê ye û wiha got: “Serê hemû gelê Kurd sax be. Şehîd berpirsyariyeke mezin ji me re hiştin. Divê em ala têkoşîna şehîdan zêdetir bilind bikin.”