Melonî di dema vegera ji ziyareta Verona de daxuyanî da û got, “Hikûmetê biryar da ku peymana parastinê ya bi Îsraîlê re rawestîne.”

Çavkaniyên dîplomatîk ên Îtalî diyar kirin ku biryar hatiye teqezkirin û gotin, domandina peymanê ‘di aliyê siyasî de zehmet e’.

Ev peyman sala 2006’an hatiye Erêkirin û her 5 salan carekê tê nûkirin. Vê peymanê di van rojan de wextê xwe temam dikir.

Peymana navborî di navbera her du welatan de hevkariya sanayî, perwerdeya leşkerî, lêkolîn û qadên mîna zanista teknolojiyê digirt nava xwe.