Rêxistina Partiya Yekîtiya Demokratîk (PYD) ya bajarê Dêrikê bi rasthatina salvegera şehadeta rêvebera PYD'ê û têkoşera kurd Şîlan Kobanê merasîma bîranînê lidar xist.

Bi rasthatina salvegera şehadeta rêvebera PYD'ê û tekoşera kurd Şîlan Kobanê û 4 hevalên wê (Ciwan, Cemîl, Fûad û Zekeriya) Rêxistina Partiya Yekîtiya Demokratîk (PYD) ya bajarê Dêrikê merasîma bîranînê lidar xist. Merasîm li Navenda Çand û Huner a Dîcleyê bi tevlîbûna sedan kesî bi rêzgirtinê destpê kir.

Piştî rêzgirtinê endamê Desteya Rêveber a Tevgera Civaka Demokratîk (TEV-DEM) Hesen Koçer axivî û Şîlan Kobanê û 4 hevalên wê bibîr anîn. Koçer  diyar kir ku gelê Kurd li ser bîranînên şehîdan berxwedan dewam kiriye û hemû lîstokên dijminan têk birine. Koçer her wiha bal kişan ser projeya rêvebiriya demî û diyar kir ku ev rêvebirî destkeftiyeke dîrokiye jibo hemû pêkhteyên herêmê.