Rojnamevanekî ji televîzyona El Cezîre ya Qatarê re dixebite, li balafirgeha paytexta Elmanya Berlînê hat binçavkirin.

Nûçegihanê El Cezîre Ahmed Mansûr bi rêya Twitterê ragihand, ku danê êvarê hatiye binçavkirin û hînê tê ragirtin. Mansûr diyar kir ku ew li bendê ye sewqî dadgerekî lêpirsînê were kirin.

Hat ragihandin ku sedema binçavkirina nûçegihanê El Cezîre, daxwaza radestkirinê ya Misirê ye. Nayê zanîn ku ji ber kîjan sûcan Misir dixwaze nûçegihan bê radestkirin.