Midûrê Herêma Amedê yê Lijneya Îstatîstîkên Tirkiyeyê (TUÎK) M. Salih Uraş da diyarkirin ku, li gorî daneyên îstatîstan li tevahiya Tirkiyeyê di sala 2011’an de rêjeya bêkariyê 9,8 bû û di sala 2012’an de jî weke 9, 2 ye. li gorî daneyên TUÎK’ê derket holê ku, di du salên dawî de cihê ku herî zêde rêjeya îstîhdamê ketî û rêjeya bêkariyê bilind bajarên Kurdistanê ne.

Midûriyeta  Herêma Amedê ya TUÎK rêjeya îstîhdam û hêjmara bêkariya salên 2011 û 2012’an aşkera kirin. Li gorî encamên xebatên Model de di sala 2011’an de; bajarên ku rêjeya bêkariyê lê bilind, Semsûr (sedê 16,1), îzmîr (sedê 14, 7) û Dîlok (sedê 14,4) hatin diyarkirin . bajarên ku rêjeya bêkariyê lê kêm jî; Kutahya (sedê 4,6), Manîsa, Uşak û Çorum (sedê 4,7) û Çanakkale (sedê 4,8) hatin aşkera kirin.

Li gorî encamên xebatên Modelê di sala 2012’an de; bajarên ku rêjeya bêkariyê lê pir bilind jî, Êlih, (sedê 25,0), Mêrdîn (sedê 20,9) û Sêrt (sedê 20,0) hate aşkera kirin. bajarên herî kêm bêkarî jî heyî, Kutahya û Uşak (sedê 4,2), Manîsa û Ardahan (sedê 4,4) û Afyonkarahîsar (sedê 4,6) hate diyarkirin.

BAJARÊN RÊJEYA ÎSTÎHDAMÊ HERÎ KÊM JÎ; AMED, ÊLIH Û SÊRT

Li gorî daneyên Midûrê Herêmê yê TUÎK’ê M. Salih Uras aşkera kirîn û di heman demê de li gorî encamên xebatên Modelê di sala 2011’an de; welatên ku herî zêde îstîhdama wan heyî Burdur û Kastamonu (sedê 58,4), Bartin (sedê 56,6) û Sînop (sedê 56,1) hate aşkera kirin. Bajarên ku îstîhdama wan jî pir kêm Amed (sedê 28,0), Sêrt (sedê 29,1) û Êlih (sedê 29,5) hatin aşkera kirin.

Li gorî encama xebatên Modelê jî di sala 2012’an de; bajarên herî zêde îstîhdama wan heyî, Bartin (sedê 57,5), Ardahan (sedê 57,3) û Bûrd3ur (sedê 55,8) hatin diyarkirin. Bajarên ku îstîhdama wan pir ketî jî Amed (sedê 25,0), Êlih (sedê 26,5) û Sêrt (sedê 27,2) hatin diyarkirin.