Li Êlihê, ji bo Ozcan Temel ê di encama êrîşa çekdarî ya komek ji endamên Huda-Par'ê roja 2'ê Mijdarê jiyana xwe ji dest da, bi hezaran kes meşiyan.

Meş bi pêşengiya Platforma Demokrasiyê ya Êlihê hat kirin û êrîşkar hat şermezarkirin. Bi armanca protestokirina qetilkirina Temel, li ber Nexweşxaneya Feradîn daxuyanî li çapemeniyê hat dayîn.

Li dû daxuyaniya çapemeniyê, girseya gel a di nav de nûnerên gel ên BDP'yî û nûnerên rêxistinên civakî yên sivîl, ber bi Taxa Petrolê ya Temel ê hat qetilkirin meşiya.

Meşa girseya gel a bi dirûşmên "Şehîd namirin", "Kujer Huda-Par", "Kujer Hîzbûllah" û "Ozcan Temel namire" dewam dike.