Rêxistina Partiya Yekîtiya Demokratîk (PYD) ya bajarê Efrînê bi rasthatina salvegera şehadeta rêvebera PYD'ê Şîlan Kobanê û 4 hevalê wê merasima bîranînê lidar xist.

Bi rasthatina salvegera şehadeta rêvebera PYD'ê Şîlan Kobanê û 4 hevalên wê (Ciwan, Cemîl, Fûad û Zekeriya) ku sala 2004’an li bajarê Mûsil yê Başûrê Kurdistanê hatin qetilkirin, rêxistina Partiya Yekîtiya Demokratîk (PYD) ya bajarê Efrînê merasima bîranînê lidar xist.

Endamên Meclisa PYD`ê ya bajarê Efrînê Hêvîn Reşîd û Cîhan Hesen di merasimê de derbarê geşedanên li herêmê, jiyan û têkoşîna Şîlan û hevalên wê, Rêvebiriya Demî û civîna Cenewreyê de axivîn.