Karesata aşûtê ya li Îtalyayê: 8 kes hatin rizgarkirin
Li Îtalyayê, ji xebatên lêgerîn û rizgarkirinê yên li otela di binê berfê de ma, encameke erênî bi dest ket. Piştî 48 saetên di ser karesatê re derbas bûn, 8 kes hatin rizgarkirin.
Hat ragihandin, 8 kes ku 4 ji wan zarok in, ji binê xirbeyên avahiyê hatine derxistin.
Li aliyê din, tîmên rizgarkirinê dan xuyakirin ku ew hewl didin xwe bigihînin 2 kesên din ên di binê xirbeyê avahiyê û berfê de ne. Qenala nûçeyan a Îtalyayê Raî News diyar kir, ji binê xirbeyê avahiyê cesedê jinekê hatiye derxistin.
Tê texmînkirin, hê 20 kes di otela ji ber aşûtê di binê berfê de ma, hene.
