Ji ber şewata daristanan ku li nêzî bajarê Bordeaux ê Fransayê hefteyek e berdewam dike, 4 hezar kesên din jî hatin tehliyekirin. Di şewata ku nêzî 42 hezar hektar qad bûye xwelî de, hejmara giştî ya kesên hatine tehliyekirin gihîşt 224 hezarî.
Ji ber şewata daristanê ya li nêzî Bordeaux'yê ku ji 22'yê Tîrmehê ve berdewam dike, li bajarokê Lacanauyê 4 hezar kesên din jî hatin tehliyekirin. Bi vê re hejmara giştî ya kesên hatine tehliyekirin gihîşt 224 hezarî.
Heta niha 42 hezar hektar qad bûye xwelî û 240 mal xera bûne. Ev şewat ji sala 1949'an ve wekî mezintirîn şewata daristanê ya li Fransayê hate qeydkirin. Di sala 2026'an de li seranserê welat bi giştî 92 hezar hektar qad şewitî.
Her çend agir hinekî rawestiyabin jî, meteorolojî diyar dike ku germahî dê bibe 35 derece û ba dê xurt bibe. Ji ber vê metirsiya mezinbûna şewatê berdewam dike.
Di şewatê de 93 agirkuj birîndar bûn. Rêya hesinî û otobana herêmê ji bo çûnûhatinê hatin girtin.
Li ser banga Fransayê ya ji bo alîkariyê, Tirkiyeyê 2 balafirên agirkujiyê ji bo piştgiriyê şandin herêmê.
