Êrîş duh êvarê saet di 20:00 de, li bazara Noelê ya li Breîtscheîdplatz a li herêma Charlottenbûrgê rû da. Di êrîşê de 12 kes mirin, 48 kes jî birîndar bûn û rakirin nexweşxaneyan.

Tê gotin, yek ji kesên mirin e ajokarê TIR'ê ye, ku tê texmînkirin welatiyê ji Polonyayê ye.

Derket holê, ku TIR a di êrîşê de hate bikaranîn, wesayîta şîrketeke barkêşî ya li Polonyayê ye û têkiliya ajokar piştî nîvro bi şîrketê re qut bûye. Xwediyê şîrketê Arîel Zûrawskî dabû xuyakirin, ku ajokarê TIR'ê pismamê wî ye û nepêkane ku êrîş pêk anî be.

Li gorî agahiyên di medya Elman de hatin weşandin, kesê di dema êrîşê de TIR dajot, welatiyekî Afganîstanê ye û ev kes ji bo lêpirsînê sewqî bajarê Karlsrûheyê hatiye kirin. Hat tespîtkirin ku êrîşkar di meha Sibatê de ji bo serlêdana penaberiyê bike hatiye Elmanyayê.