35. salvegera damezrandina PKK'ê li Herêmên Parastinê yên Medyayê bi merasîmeke leşkerî hat pîrozkirin. Di merasîmê de li gel Endamên Konseya Fermandaran a HPG'ê Amed Pîran, Azad Sîser û ji Fermandarên YJA STAR'ê Evîn Amed gelek fermandarên gerîla amade bûn.

Endamê Konseya Fermandaran a HPG'ê Amed Pîran di axaftina xwe ya li merasîma leşkerî ya salvegera damezrandina PKK'ê de diyar kir ku yên gelê Kurd ji ber tinekirin û mirinê rahişt û bi jiyana azad da nasîn, tevgera azadiyê û Rêberê Gelê Kurd Abdullah Ocalan e.

Pîran da xuyakirin ku ji bo hêjayî jiyana azad a Ocalan afirandiye bibin ew têdikoşin û got, "Rêber Apo, di demeke ku sîstema zext, qirkirin û înkarê derket asta herî bilind de, dest li vê dîrokê werda û di serî de gelê Kurd ji bo tevahiya gelên bindest perspekîfa çalakî û rêxistinî ya pêşerojeke azad û wekhev derxistiye holê. Lewma em 35. salvegera damezrandina partiya xwe li Rêber Apo pîroz dikin, bi dilsozî silav û rêzên xwe jê re dişînin. Dîsa em vê salvegera dîrokî li heval û gelê xwe pîroz dikin."

Endamê Konseya Fermandaran a HPG'ê Azad Sîser jî da xuyakirin ku PKK di rastiya xwe de tevgereke Rêberiyê ye û di heman demê de partiyeke şehîdan e. 

Sîser axaftina xwe wiha dewam kir: "Di sekna azadiyê ya bi rastiya Hakî Karer, Kemal Pîr, Mazlûm Dogan, Xeyrî Dûrmûş û Ferhat Kûrtay dewam kir de bi Şerê Gel ê Şoreşger re fermandarên pêşeng ên berxwedana Şemzînan û Elkê Rûbar Mêrdîn, Mehmet Guyî, Rojîn Gewda, Kerîm Şirnex û Reşîd Serdar, bi berxwedaneke bê hempa tev li karwanê şehîdan bû."

Sîser diyar kir ku Rêbar Mêrdîn, Mehmet Guyî, Rojîn Gewda, Kerîm Şirnex û Reşîd Serdar fermandarên pêşeng ên Şerê Gel ê Şoreşger e û got, "Ev hevalên me yên li xeleka şehîdan a PKK'ê zêde bûn, bêguman hêz dan xeta PKK'ê û Rêberiyê. Em weke şopdarên şehîdan û milîtanên Apoyî, heta dilopa dawî ya xwîna xwe emê têkoşîna xwe dewam bikin. Jiyanek ji bilî vê ji me re heram e."