Li Fransayê, ku wê di dawiya meha Mijdarê de ji konferansa avhewayê ya Neteweyên Yekbûyî (NY) re malovaniyê bike, biryar hat dayîn ku dawî li wergirtina baca kêm a ji sotemeniya dîzelê bê anîn. Hikûmet dixwaze di nava 5 salê pêş de cudahiya bacê ya di navbera benzîn û dîzelê de ji holê rake.

Bi saya vê guhertinê re ku bi pêşniyara Wezîra Hawirdorê Sêgolêne Royal tê kirin, tê xwest cudahiya buhayê navbear sotemeniyên benzîn û mazotê (dîzel) bê kêmkirin. Li gorî planê, wê ji hilberîneran bê westin ku heta 5 salan xwe li gorî vê yekê bi rêk û pêk bikin û di dawiya 5 salan de jî wê baca mîna benzînê ji dîzelê jî bê wergirtin.

Balkêş e ku ev biryara Fransayê, piştî aşkerabûna hîleya şîrketa otomobîlan a Elman Volkswagen, hat wergirtin.

Li Fransayê ji benzînê ji sedî 62,4 bac tê wergirtin, ji sotemeniya dîzelê jî ji sedî 56 tê wergirtin.