Dadgeha Bilind a Eyaletê ya Stûttgartê, di encama doza 4 salan de 2 rêveberên payebilind ên Hêzên Rûanda yên Azadîparêz û Demokratîk (FDLR) ên ji milîsên Hûtû pêk tê, bi 13 sal cezayê girtîgehê, ceza kir. Dadgehê 2 kesên 52 û 54 salî, ji ber komkujiya di navbera salên 2008-2009'an de li rojhilatê Kongo kirin û ji ber sûcên mirovahiyê, mehkûm kir.

Dadgehê di biryara xwe de ragihand ku kesên behsa wan tê têkirin li Elmanyaye dijîn û komkujiyên milîsên FDLR yên li rojhilatê Kongo bi rêya telefona satalaytê, SMS û emaîlan bi rê ve birine. Hat ragihandin ku yek ji van kesan, bi hinceta 'serkêşiya' milîsên komkujî kirine beriya niha 8 salan mehkûmê girtinê hatiye girtin û biryar hat dayîn ku ji ber demdirêjiya ragirtina wî, wê ev kes nekeve girtîgehê.

Di rûniştinên ku ev 4 sal in 320 saet in dewam dikin de, dozgeriyê xwest yek ji lîderên FDLR bi cezayê ragirtina heta bi hetayê û alîkarê wî jî bi 12 sal cezayê girtîgehê werin cezakirin.

Rêxistina bi navê FDLR, piştî qirkirina 800 hezar Tûtsî li Rûanda ya sala 1994'an, li Rojhilatê Kongo ahtibû damezrandin.