Di hilbijartinên giştî yên li Danîmarkayê de bloka partiyên rastgir ên li mûxalefetê bi ser ket.

Li gorî encamên destpêkê yên hilbijartinên giştî yên li Danîmarkayê, Bloka Şîn a ji partiyên rastgir, ji 179 kursiyan 91-92 kursî qezenç kirin. Ji kursiyên din ên li Folketîng a Danîmarkayê, 83-84 kursî ketin destê Bloka Sor a koalîsyona çep a bi lîderiya Serokwezîr Helle Thornîng-Schmîdt.

Rêjeya dengên partiyan bi vî rengî ye: Navenda Çep Socialdemokraterne a Serokwezîr Thornîng-Schmîdt ji sedî 26, Dankst Folkeparti (Partiya Gel) a bi gotinên xwe yên dijminatiya li biyaniyan dike derdikeve pêş ji sedî 21 û Partiya Lîberal (Venstre) ya bi pêşengiya namzetê serokwezîr ê lboka rastgir Lars Lokke Rasmûssen, ji sedî 19,5 ê dengan stend.

Di hilbijartinan de partiya Rasmûssen Venstre rêjeya herî kêm a 25 salên dawî bi dest xist. Di nava Bloka Şîn de Partiya Gel a Danîmarkayê ya dijminê biyaniyan, xwe gihand asta rekorê ya rêjeya dengan.

Li gorî encamên hilbijartinê, Lars Lokke Rasmûssen ê di navbera salên 2009-2011'an de Serokwezaretî kir, wê ji nû ve bibe Serokwezîr. Serokwezîr Helle Thornîng-Schmîdt jî piştî aşkerabûna encamên hilbijartinê ragihand ku ew ji hemû wezîfeyên xwe îstifa dike.

Tê payîn ku Rasmûssen hikûmeteke nû ava bike. Lê bi taybetî ji ber sekna polîtîk a Partiya Gel a Danîmarkayê tê gotin ku wê bi wezîfeyeke qels a Serokwezaretiyê re rû bi rû bimîne.