Leşkerên Tirk ên duh bi bombeyên gazê û ava şid êrîşî çalakgerên nobedê yên li ser sînor kirin, îro danê sibê jî êrîşî çalakgerên nobedê yên li gundê Boydê kirin. Di êrîşê de rojnamevan û wekîl jî hedef hatin girtin.

Êrîşa polîs û leşkeran a li hemberî welatiyên bi armanca piştgiriyê bidin berxwedana Kobanê li sînorê Pirsûsê nobedê digirin dewam dike. Duh heta êvarê polîs û leşkeran êrîşî welatiyên li ser sînor kirin û serê sibê saet di 08.00'an de li gundê Boydê di dema taştê de êrîşî welatiyan kirin.

Di êrîşa gelek bombeyên gazê hatin bikaranîn de welatiyek ji stuyê xwe û welatiyek jî ji pişta xwe birîndar bûn. Di êrîşê de binçavkirin jî çêbûn û pevçûnên li gund û derdora gund dewam dikin.

Parlementerê HDP'ê Faysal Sariyildiz ê ku di dema êrîşê de li herêmê bû û çû hevdîtina polîsan, rastî êrîşa bi bombeyên gazê hat. Polîs û leşkerên Sariyildiz dîtin du bombeyên gazê avêtinê û Sariyildiz bombeyên gazê yên avêtin wî girtin û avêt polîs û leşkeran.

Rojnamevanên di her êrîşê de dibin hedefa polîs û leşkeran li gundê Boydê jî bûn hedefa polîs û leşkeran. Polîs û leşkeran bi bombeyên gazê êrîşî wesayîta DÎHA'yê ya li ser nivîsa "ÇAPEMENÎ" heyî kirin û cama wesayîtê ya pêşiyê şikandin.

Êrîşa ku gelek kes hatin binçavkirin, dewam dike.