Bi operasyoneke polîsên Fransa ku duh danê sibehê dabûn destpêkirin, qada kampê ya ku nêzî 750 penaber lê bûn, hat tahliyekirin. Hat ragihandin ku ji penaberan nêzî 300 kesî li 3 salonên cuda yên sporê yên li Saînt-Denîs, Pantîn û paytext Parîsê hatine bicihkirin.

Hat diyarkirin ku piraniya van penaberan ji Sûdan, Afganîstan û Erître hatine, hat daxuyandin ku Walîtiya Seîne-Saînt-Denîsê bi armanca ‘astengkirina bajarên nû yên konan’ fermana operasyonê daye.

Destpêka meha bihurî jî li dora Meydana Stalîngrad a li paytext Parîsê nêzî 3 hezar û 800 penaber ji qadên vekirî hatibûn tahliyekirin. Dîsa kampên li nêzî Bendera Calaîs a ku bi salan e bi hezaran penaberan bi daxwaza biçin Îngîlistanê lê kom bibûn, hatibûn valakirin û penaber li cihên cuda yên welêt hatibûn belavkirin.