Tê gotin, bi hezaran çekdarên ser bi 41 eşîrên girêdayî hikumeta Şamê ji bo êrîşî herêma Suwêda ya civaka Durzî bikin, ketin nava liv û tevgerê.

Di dîmenan de ku li medya dîjîtal hatin weşandin, lê belê hîn nehatiye piştrastkirin, tê dîtin ku kom banga tekbîrê dike, bi motorsîkletan berê xwe didin herêmê ku taktîka bingehîn a çeteyê DAÎŞ’ê ye.

Piştî şerê giran ê li Suwêdayê ku zêdeyî 500 kesî jiyana xwe ji dest dan, di navbera hêzên hikumeta Sûriyeyê û milîsên Durzî de agirbest hate ragihandin. Piştî lihevkirinê hikumetê piraniya yekîneyên xwe ji herêmê vekişand.

Piştî vekişînê jî ‘Rûspiî û oldarên Durzî’ ji bo wezîfeya ewlekariya hundirîn a Suwêdayê hatin wezîfedarkirin.

Heman piştî agirbestê hem di nava komên Bedewî hem jî di nava komên Durzî de di asta herêmî de êrîş, operasyonên tolhildanê û tevgera koçberiyê destpê kir.