Navenda Ragihandinê ya Hêzên Sûriya Demokratîk (QSD) bi daxuyaniyekê ragihand ku şervanê wê Birûsk Heleb şehîd bû.

Di daxuyaniya QSD’ê de ev agahî hatin parvekirin: "Hevrêyê me, şervan Birûsk Heleb/Hemze Ehmed Mehmûd di encama nexweşiyekê de li ser erka xwe şehîd bû.

Piştî ku hevrêyê me hêviya parastina gel û welatê xwe dît, bê dudilî tevlî hêzên me bû. Rihê welatparêziyê yê ku di hundirê wî de diçirûsî ew ber bi keşifkirina bingeha van hêzan û kûrahiya wan ve dibir, da ku tiştên wî xeyal dikirin kifş bike. Bi ruhê kolektîf ê di navbera hevrêyên xwe yên şervan de pir bandor bû. Di demeke kurt de xwe gihand asta zanînê û leşkeriyê û gaveke berbiçav avêt. Wê yekê hişt ku bibe fermandarek ku rêbazên pêşengtiyê û rênîşandanê pêk bîne. Li kêleka wê jî xwedî ew şiyan bû ku agahî û zanist ji hevrêyên xwe re rave dikirin. Bandorek mezin li hevrêyên xwe kir. Di dilên hevrêyên xwe de cihê rêzê û hezkirinê wergirt.

Em sersaxiyê ji malbata şehîd û tevahî malbatên şehîdên xwe re dixwazin û soza me ya mayînde ji wan re em ê li ser metoda şehîdên xwe heta pêkanîna armancên wan ên bidawîkirina tevahî şêweyên terorê, dagirkirî û parastina ewlehî û îstîqrara herêmên me, bimînin.”

Agahiyên derbarê nasnameya şehîd, bi vî rengî ne:

Navsnav: Birûsk Heleb

Nav û paşnav: Hemze Ehmed Mehmûd

Navê dayikê: Xewla

Navê bavê: Hisên

Cihê jidayikbûnê: Heleb

Cih û dîroka şehadetê: Hesekê-Nexweşxaneya Şehîd Sariya-ji ber nexweşiyê-08’ê Îlona 2025’an."