Fermandarê Giştî yê QSDˊê Mazlûm Ebdî di merasîma leşkerî ya bi wesîleya damezrandina salvegera 10ˊemîn a QSDˊê de wiha got, "Wê di demek nêz de komîteyek leşkerî biçe Şamê û wê YAT li tevahî erdnîgariya Sûriyeyê şerê DAÎŞˊê bike."
Bi boneya salvegera 10ˊemîn a damezrandina Hêzên Sûriya Demokratîk (QSD), Hêzên Antî Terorê merasîmeke leşkerî li dar xist. Di merasîmê de Fermandarê Giştî yê QSDˊê Mazlûm Ebdî amade bû.
Di merasîmê de Mazlûm Ebdî got "Wê di demeke nêz de komîteyeke leşkerî berê xwe bide Şamê."
Ebdî di axaftina xwe de bi bîr xist ku "Wê komîte çawaniya entegrekirina QSDˊê nîqaş bike."
Ebdî anî ziman ku "Di çarçoveya lihevkirinê de, wê Yekîneyên Antî Terorê (YAT) li tevahî erdnîgariya Sûriyeyê şerê DAIŞ’ê bike."
