QSD’ê ragihand ku di operasyoneke ewlekariyê de li Reqayê, çeteyekî xeternak ê ku di hilberîna TNT’yê de rola wî hebû û ji bo êrîşên şaneyên DAÎŞ’ê teqemenî peyda dikir hate girtin.
Navenda Ragihandin û Çapemeniya Hêzên Sûriyeya Demokratîk (QSD) ragihand ku Tîmên Operasyonên Leşkerî (TOL) yên bi ser QSD’ê va roja Şemiyê li Reqqayê operasyonek pêk anîn û tê de operatorekî xeternak ê DAÎŞ’ê girtin. QSD’ê diyar kir ku operasyon piştî çavdêriyên mehên dirêj ên li ser Hassan Jafli, yê bi navê Ebû Abdo tê nasîn, hate lidarxistin.
Dîmenên operasyonê jî hatin weşandin.
