Ji rûspiyên êla El Bû Salih (Begara), Şêx Mûsa Ezîz El Xelef û hevjîna wî di êrîşa çekdarên nenas de hatin qetilkirin.

Li gorî agahiyên şahidan, Şêx Mûsa Ezîz El Xelef û hevjîna wî dema ku bi erebeyê ji bajarê Cezayê vedigeriyan gundê xwe (Ezman) ê rojavayê bajarê Bû Xeşeb ê kantona Dêrazorê hatin gulebarankirin.

Şêniyan dane zanîn ku du kes li motorsîklêtê bûn, gule li erebeyê reşandin û wan qetil kirin. Heya niha tu kesî êrîş negirtiye ser xwe.

Hêzên Ewlekariya Hundirîn a Kantona Dêrazorê der barê êrîşê de lêkolîn daye destpêkirin.