Li Dêrazorê êrîşa DAÎŞ’ê: 4 şervanên QSD’ê şehîd bûn, çeteyekî DAÎŞ’ê hate kuştin
QSD’ê ragihand ku di êrîşa çeteyên DAÎŞ’ê ya li ser bajarojê Abriha ya li rojhilatê Dêrazorê de 4 şervanên wan şehîd bûn, çeteyekî DAÎŞ’ê hate kuştin.
Hêzên Sûriyeya Demokratîk (QSD) daxuyaniyek nivîskî da û ragihand ku wan li Abrihayê bersiva êrîşa hucreyên DAÎŞ’ê daye. Li gorî daxuyaniyê di şer de 4 şervanê QSD’ê şehîd bûne, çeteyekî DAÎŞ’ê hatiye kuştin.
QSD’ê diyar kir ku li herêmê operasyon didomin, êrîşkarên din tên şopandin. Di daxuyaniyê de wiha hate gotin, “Xwîna şehîdên me ji bo têkbirina bermahiyên DAÎŞ’ê, wê ji me re bibe sozek.”
