Li Şamê wesayita bombebarkirî teqiya
Ajansa Nûçeyan a ser bi hikumeta demkî ya Şamê SANA'yê ragihand ku êvara Şemiyê wesayiteke bombebarkirî teqiya û tiştek bi kesî nehat.
SANA'yê diyar kir ku teqîn li taxa Mazzehê qewimî. Ev der weke taxeke 'dewlemend' tê pênaskirin ku sefaretxaneyên bilind û ofîsên Neteweyên Yekbûyî lê ne.
Li gorî televîzyona dewletê, teqîn ji ber 'cîhazeke teqînê ya li nava wesayiteke kevn hatibû bicihkirin' pêk hat. Hate ragihandin ku kes birîndar nebûye.
Saziya Çavdêriyê ya Mafên Mirovan a Sûriyeyê (SOHR) piştrast kir ku wesayitek li ber otelekê teqiya ye.
