Fermandariya Giştî ya Hêzên Ewlekariya Hundirîn daxuyand ku endamê wan Reşîd Omer doh di encama krîza dil de şehîd bûye.

Di daxuyaniyê de hate gotin: “Em Hêzên Ewlekariya Hundirîn, şehadeta endamekî xwe ku jiyana xwe ji bo xizmetkirina netewe û civakê derbas kir, radigihînin. Em sersaxiyê ji malbat û hevalên şehîd re dixwazin ku fedakariya wan dê wek ronahiyekê bimîne ku rêya erk û berpirsyariyê ronî dike.”

Her wiha hate gotin: “Şehîd di tevahiya jiyana xwe de nirxên herî bilind ên dîsîplîn û dilsoziya ji bo xebatê temsîl kir. Ew mînakeke pabendbûn û dilsoziya ji bo erkên ku ji wî re hatine spartin bû, heta ku şehîd ket, erkên xwe bi rûmet û baweriya bi pîroziya mîsyona ewlehiyê, pêk dianîn.”

NASNAMEYA ŞEHÎD

Nav û Paşnav: Reşîd Omer
Navê Bav: Mihyedîn
Navê Dayikê: Farsa Ehmed
Dîroka Jidayikbûnê: 1990
Cih û Dîroka Tevlêbûnê: Qamişlo, 15 Mijdar 2013
Cih û Dîroka Şehadetê: Reqa, 20 Cotmeh 2025