Komên çekdar ên ser bi dewleta Tirk a dagirker ve, bi dema herêmî saet di 23:00 de êrîş birin ser nuqteyên li derdora gundê Til El-Lebanê ku li rojavayê Til Temirê ye.

Herêmên ku êrîş li wan hate kirin, di bin kontrola hêzên Meclîsa Leşkerî ya Til Temirê de ne. Hêzên meclîsê di cih de bersiv dan û êrîş şikandin.

Meclîsa Leşkerî ya Til Temirê diyar kir ku ji bo ewlehiya gel wê li hemberî her cûre êrîşan têbikoşin.