Yekîtiya Ciwanên Welatparêz ên Kurdistan (YCWK) ragihand ku di çarçoveya salvegera Komploya  Navneteweyî ya 9’ê Cotmehê û ji bo bersivdayîna êrîşên dewleta Tirk ên bi ser Bakur û Rojhilatê Sûriyeyê, li navçeya Akdenîz a Mêrsînê du çalakî li dijî hevkaran li dar xistine.

Di daxuyaniya YCWK’ê de wiha hate gotin: “6’ê Cotemehê di saet 21:40’an de li navçeya Akdenîz a Mêrsînê li dijî kargeha vezîvirandinê ya Alperen ku bi hêzên dijmin re hevkariyê dike, çalakî hat kirin û kargeh hat îmhakirin. Her wiha 6’ê Cotmehê di saet 22:10’an de li taxa Çîlek ya navçeyê qemyona kesê bi navê Huseîn Bozkur ê bi MHP’ê re hevkariyê dike, hat şewitandin.”

Di daxuyaniyê de hat gotin ku her du çalakî jî li dijî Komploya Navneteweyî ya 9’ê Cotmehê û êrîşên li dijî Rojava hatine kirin û wiha hat gotin: “Divê her kes bizane ku heta tecrîda li ser Rêber Apo bi dawî nebe û çeteyên faşîst ên dagirker axa Kurdistanê neterikînin wê çalakiyên me bidomin û em ê li tevahî Kurdistan û metropolên Tirkiyeyê bersivê bidin êrîşên dawî yên bi ser Rojava.”