Di operasyona qirkirina siyasî de ku ji aliyê Serdozgeriya Komarê ya Stenbolê ve dihate birêvebirin, 9'ê Hezîranê li 8 navçeyên Stenbolê serdegirtin çêbûbû û di encamê de gelek endam û rêveberên HDP'ê hatibûn destgîrkirin.

Ji rêveberên HDP'ê yên bajêr Fener Gunana û Ahmet Sûbaşi, Hevserokê HDP'ê yê Navçeya Beyoglûyê Mehmet Saît Bor û xebatkarên ewlekariyê yê Rêxistina HDP'ê ya Bajêr Mûstafa Tûrgût piştî îfadeya li Midûriyeta Emniyetê ya Bajêr radestî Edliyeya Stenbolê kirin.

Dadgeya Ceza ya Sûlhê ya 9'emîn a Stenbolê biryara girtina Fener Gunana û Ahmet Sûbaşi da. Mehmet Saît Bor û Mûstafa Tûrgût jî bi şertê kontrola edlî berda.

Gunana û Sûbaşi şandin Girtîgeha Sîlîvriyê.