Siyasetmedarê Kurd Metîn Aydin ku li Swîsreyê girtiye, ji bo protestokirina daxwaza radestkirina Almanyayê, dest bi greva birçîbûnê kir û çalakiya xwe ya di roja 45’emîn de veguherand çalakiya piştgiriya bi greva birçîbûnê ya li Bakûrê Kurdistan û Tirkiyeyê hatiye destpêkirin.

Kesên ku herî dawî çûn serdana Aydin dan zanîn ku rewşa wî krîtîk e û bi kotekî diaxive. Kesên diçin serdana Aydin da zanîn ku ger Aydin neyê razîkirin û greva xwe bidomîne, dê bi mirinê re rû bi rû bimîne.

5’ê îlonê Dadgeha Ceza ya Federal a Swîsreyê ji bo radestkirina penaberê Kurd Metîn Aydin ê ku bi hinceta endamên PKK’ê ye û ji bo PKK’ê endaman qezenç dike, biryar da. Dadgehê îtîraza li hemberî biryara radestkirina penaberê Kurd Metîn Aydin a di meha sibatê de hatibû dayîn û biryarê erê kir.

Metîn Aydin bi daxwaza darizandina Tirkiye û Almanyayê li Swîsreyê hate binçavkirin û nêzî saleke di girtîgehê de ye. Kurdê bi navê Metîna Aydin ê rûniştvanê Franseyê gava beriya salekê ji bo serdanekê hat Swîsreyê, bi daxwaza Almanyayê hat binçavkirin. Aydin nêzî salek e di girtîgehê de ye. Ji bo serbestberdana Aydin kampanya hat destpêkirin.